Martes, 17 de Marzo    (ED. ESPECIAL)

Bos días! Como estades?

Hoxe imos crear unha pequena rutina (para que utilicedes todos os días), e que así sexa mais sinxelo para os nenos e nenas o transcurso do día:

-  Podemos comezar cantando algunha das cancións que vos enviei onte , por exemplo: "buenos días"

https://www.youtube.com/watch?v=xkSob4DrQm0

    O ideal é que sempre reforcemos os días da semana e recordemos os meses do ano tamén. 

-  Logo, faremos o calendario: falaremos de que día é, o tempo que fai, en que mes estamos, a estación, como se senten, e as actividades que farán durante o día, así como o menú se xa o sabemos.

As actividades de hoxe as podemos sinalar a través destes pictogramas:

      Así, os martes dedicamos unha parte da xornada a traballar a psicomotricidade. Como o facemos? Aquí deixo algunhas ideas para que teñades en conta :)

1.     - Podemos empezar facendo uns estiramentos: movemos un brazo e logo o outro, corremos no sitio, facemos a bicicleta cos pés, intentamos tocar a punta dos pés coas mans... 

2.       Se temos unha pelota na casa, xogamos a pasala os uns ós outros (lanzala polo aire, dando un bote, rozando o chan, pases co pé... o que queirades). Se non tedes pelota, podedes probar a facer unha con papel de periódico ou papel albal... ou calqueira outro material. 

3.      Tamén practicamos o salto: cos pés xuntos, coa corda...

4.     E para rematar, facemos un pouco de relaxación  (déixovos uns links aquí debaixo).

https://www.youtube.com/watch?v=VYrT5t8STjI

https://www.youtube.com/watch?v=zpsGa5JXCKc

https://www.youtube.com/watch?v=xNYSUVup_Jg

     Con esta última canción seguro que se lles debuxa un sorriso na cara, lles encanta!             Deixo aquí unhas indicacións de como a bailamos:

      - Comezamos facendo un corro collidos das mans.

       - No estribillo: "Cántale al Sol" (mans ó ceo), "cántale a la Tierra" (mans ó chan),                "cántale al mar" (unha volta), "a la Luna" (brazos mecendo), "y a las estrellas"                    (debuxamos estrelas no ceo).

     Para rematar, hoxe soamente vou engadir unha cousiña que é moi importante que traballemos: as normas.

  Debemos insistir en que recollan os xoguetes, tiren os papeis á papeleira...

  A partir de mañá, subirei unhas propostas para traballar os números, as letras, a motricidade fina e outros aspectos importantes cos nenos e nenas. 

  Unha aperta moi forte!!